Dint’o core tengo ‘e pampuglie,
s’appicciano juorno e notte.
Dint’e mmane tengo
‘o granone pe’ palumme.
‘Ncapa, dint’e capill’ tengo
‘e perucchie chin’e sango.
Dint’a ll’uocchie
tengo ‘o viento ca trattengo
quanno a’ paura
me piglia.
Dint’e cosce tengo ll’arteteca e
ll’argiento vivo, aggia parià.
Dint’o stommaco tengo
sempe nu murmuliamiento:
‘a Voce m’ha ditto ca songo
‘e parole d’e poeti affamati.
Dint’a casa tengo
a bella mbriana e sette spiritilli;
ma tengo nu solo pare ‘e scarpe:
songo tutte scalcagnate e ogni notte
me parlano comme si fosseno
ddoje criature: vonno carezze.
indifferentemente 