Si io fosse viento e
tu nuvola
te curresse dint’a ll’anema,
po’ te vucasse
doce doce
ncopp’o mare.
Si fosse mpazzuto pe’ te,
m’ammesurasse
pure cu ll’ommo
cchiù forte d’o munno.
Si fosse auciello e tu
‘a canaria,
screvesse ‘a musica
d’o cielo e d’e stelle.
Si fosse
‘o frutto cchiù ‘nzuccarato,
me facesse magnà ‘e vase
d’a vocca toia.
Si tu fusse
‘a mano d’o core
e io scemonuto
‘e te,
nisciun’ esercito
fosse capace
e spezzà stà catena
d’acciaio,
c’addiventa ‘e mollica
quanno tu me vase
cu ‘e labbra ‘nfose
‘e desiderio,
pe’ sta pecundria malata,
ca me stracce
‘mpietto.
indifferentemente 