‘O penziero d’o ppane

 

                                                ‘A matina te scite cu chillu penziero:

o penziero d’’o ppane.

‘O nnir’’e vascio è ‘nu culore:

‘o culore ‘e ll’anema nosta.

‘O nnir’’e vascio è ‘o nniro

dint’’a ll’uocchie d’a vita.

‘O nnir’’e‘vascio é ‘o core d’’e ccriature

vuttato mmiezz’’a via.

‘O nnir’’e vascio é ‘o nniro

‘e chi sfrutta ‘e ccriature facennele faticà

comme si fosse ‘na cosa normale.

“Pecchè, accussì, s’imparano ‘nu mestiere”.

‘O nnir’e vascio è patemo ca nun se arritira:

sta friddo ‘nterra; è caruto d’o quarto piano; steva fravecanno.

‘O padrone e ‘a maesta ‘a dummeneca vanno a SS Messa:

s’addenocchiano; cunfessano ‘e peccati; pregano

‘o Pater Nostro e l’Ave Maria.

‘N fonneno ‘e dete dint’a terrasantiera;

se fanno ‘a croce;

guardano ‘e sante e diceno:

Ora Pronobis, Ammenn e Così sia.

(Pecchè accussì adda essere).

Pubblicità