Vuje ‘a sapite ‘a sirena Partenope chella ca p’ammore celeste pe Ulisse ‘o greco itacese nun venenne jncute ‘e vase e ammuina, comme percoca prufumata carette prigiuniera ‘e na malatia brutta chiammata: ‘o core scuro scuro.

‘O cuorpo ‘e sirena,
ammaliatrice d’a voce ‘e canto,
bellezza ca facette mpazzì tanti
guagliune e uommene, pure
zoccola carnale e seducente,
ma zezzosa dint”a ll’anema
pecchè nun avette ammore
‘a chillu farenelle ‘e ll’itacese
ca teneva pe mmane
ati femmene perdute d”e catene
‘e ll’ammore celeste ‘e mare
e scuro scuro comm”o core.

Sentì ll’anema ‘a sotto e ncoppo comme nu viaggio cu ll’uocchie chiuse pe vedè dint”o scuro.

Pubblicità