Signurì, e v’aggio ditto trasite! Venite! Nun ve mettite paura. Songo na femmena dint”o scuro ‘e nu vascio. Site parecchi di voi. E comme putite vedè, stu vascio è piccirillo, fatto ‘e na stanza sulamente. Certo, ce sta pure ‘o mezzanino, però llà ncoppa quanno ce jate per durmì, avita cammenà abbuccato. ‘A capa nun ‘a putite aizà, o si no, ve ceccate. Jà, trasite, venite, ce astrignimmo e accussì ognuno trovo nu pusticiello, pure all’erta, pecchè sapite, ‘e segge ne songo appena cinche, però a cosa necessarie, pecchè ‘o vedo dint’o a ll’occhie vuoste è sapè, pe ce parlà cu ll’usemo(odore) ca ognuno ‘e nuje tenimmo dinto ‘e carne e dint”o core. Nuje stesse ca stammo ‘e case ccà, nun ce vedimmo e allora pe sapè cu chi tenimmo a che ffà, avimma addurà, avimma sentì ll’uosemo. E, vuje, avita sapè ca ll’uosemo, tene a che ffà cu ll’anema. E accussì ca se po’ capì ‘o core ‘e chi trasedinto a casa toja. E doppo, ma pure primma, ognuno ‘o curtiello ‘o uso o pe ammunà na mela annurca o te pugnalà annascusa pe quatte sorde ‘pe nu juorno ‘e cchiù di vita.
indifferentemente 